ငိုလို့မရတော့တဲ့
လူတစ်ယောက်ရဲ့ ရင်ထဲမှာ
ဝမ်းနည်းမှုတွေ ကုန်ခမ်းသွားပြီလို့
မင်းထင်ရက်သလား
ကြည့်စမ်းပါဦး
မင်းနဲ့ ခွဲခွာရမယ်ဆိုတဲ့အသိက
ရင်မချိအောင်ခံစားရပုံများ
ဘာစကားမှ ပြောမထွက်ခဲ့ဘူး
အိမ်မက်ထဲမှာ
တွေ့ဖို့မဆိုထားနဲ့
အိပ်ပျော်အောင် မနည်းကြိုးစားနေရတဲ့
ငါ့ရဲ့ညတွေဟာ
မင်းက ခုန်ဖို့အတွက်
မမြဲနိုးထနေပါတယ်
မင်းကိုနှုတ်ဆက်ဖို့
ငါ့လက်တွေ ထုံကျင်နေသလို
မင်းရဲ့ ကျောပြင်ကို
ငေးကြည့်ရစ်ဖို့
ငါ့မျက်လုံးတွေေ၀၀ါးနေရပြီ
အဲဒါ. . .
မျက်ရည်တွေလားဟင် !
မောင်လှမျိုး (ချင်းချောင်းခြံ)
Subscribe to:
Post Comments (Atom)
0 comments:
Post a Comment