 |
| ပြည်လှဖေနှင့် မေရှင် (စောင်းတော်ရှင် ဇာတ်ကားမှ) |
- မြန်မာ့ရုပ်ရှင် ဖြစ်ပေါ်လာရေးအတွက် လန်ဒန်အတ် ဓာတ်ပုံပိုင်ရှင် ဦးအုန်းမောင်က ၁၉၁၄ ခုနှစ်တွင် ပထမဆုံး စတင်ကြံစည်တီထွင်ခဲ့သည်။
- မြန်မာ့ရုပ်ရှင်ကားအတွက် ဓာတ်ပုံ (ကင်မရာ)ကို ၁၉၁၉ ခုနှစ်တွင် ဆရာဦးအုန်းမောင်နှင့်
ဦးမောင်မောင်တို့မှ စတင်တီထွင်ခဲ့သည်။
- ပထမဆုံး မြန်မာ့ရုပ်ရှင်ဇာတ်ကားကို ရိုက်ကူးသည့် ဓာတ်ပုံကင်မရာအမျိုးအစားမှာ “ဘေဘီအင်ဇိုင်း” ကင်မရာဖြစ်သည်။
- ပထမဆုံး မြန်မာသတင်းကားမှာ ဥိးထွန်းရှိန်၏ ဈာပနအခမ်းအနားဖြစ်သည်။
- ပထမဆုံး မြန်မာ့ရုပ်ရှင်ဇာတ်ကား၏ ၀တ္ထုကို ၁၉၂၀ ခုနှစ်တွင် စာရေးဆရာပီမိုးနင်းက ရေးသားခဲ့၍ ယင်းဇာတ်ကား၏ အမည်မှာ “မေတ္တာနှင့်သူရာ” ဖြစ်သည်။
- ပထမဆုံး သွန်သင်ပြသသူ ရုပ်ရှင်ဒါရိုက်တာမှာ ဦးပု(ခ) ဦးတုတ်ကြီးဖြစ်သည်။
- ပထမဆုံး ရုပ်ရှင်ဇာတ်ကား၏ ဇာတ်ဆောင်မင်းသားနှင့် မင်းသမီးမှာ ဦးညီပုနှင့် မရီ (ခ) မအေးကြည် ဖြစ်သည်။
- ပထမဆုံး ရုပ်ရှင်ဇာတ်ရံများမှာ မောင်မောင်ချစ်၊ ဦးပု၊ ဦးပါကြီး၊ ဦးငြိမ်း၊ ဦးမောင်မောင်ကလေး၊ ဦးတင်ဖေ (မောင်မောင်စိုး) တို့ ဖြစ်ကြပါသည်။