ဖေဖေါ်ဝါရီလ(၁၃)ရက်။
ဗမာပြည်သူပြည်သားတွေတော်တော်များများ မေ့လျော့နေတဲ့ ''သမိုင်းဝင်နေ့တစ်နေ့'' ဖြစ်ပါတယ်။
ဖေဖေါ်ဝါရီလ (၁၂)ရက်နေ့ကို ပြည်ထောင်စုနေ့၊ အများပြည်သူရုံးပိတ်ရက်ဖြစ်လို့ သတိရတတ်ကြပါတယ်။
ဒါပေမဲ့ လူငယ်တော်တော်များများ အဲဒီနေ့ရဲ့ သမိုင်းရာဇ၀င်ကို ဂဃနဏ မသိကြတော့ပါဘူး။ ကျောင်းပိတ်လို့ ရုံးပိတ်လို့၊ အလုပ်နားလို့၊ ပြည်ထောင်စုနေ့(ပိတ်ရက်) အဖြစ်ပဲသိကြပါတယ်။
တစ်ရက်ခြားပြီးတော့ ဖေဖေါ်ဝါရီလ(၁၄)ရက်နေ့ကို တော့ လူငယ်တွေအားလုံးနီးပါးသိကြပါတယ်။
လူငယ်တွေကြားမှာ အတော်ကို ရေပန်းစားတဲ့ Valentine's Day/ချစ်သူများနေ့ဖြစ်ပါတယ်။
ခရစ်ယာန်ဘုန်းတော်ကြီး St. Valentine's ကို ဂုဏ်ပြုတဲ့အနေနဲ့ သူ့ရဲ့မွေးနေ့ဖြစ်တဲ့ ဖေဖေါ်ဝါရီလ (၁၄)ရက်နေ့ကို St. Valentine's Day/ Valentine's Day/ချစ်သူများနေ့အဖြစ် သတ်မှတ်ထားတယ်ဆိုတာလည်း သိကြပါတယ်။အဲဒီနေ့အထ်ိမ်းအမှတ်ပွဲတွေလည်း ပြုလုပ်ကြပါတယ်။
ဒါပေမဲ့ ဖေဖေါ်ဝါရီလ(၁၃)ရက်ကိုတော့ သတိရမိသူ၊ သတိထားမိသူနည်းလှပါတယ်။ အဲဒီနေ့ကတော့ ကျွန်ုပ်တို့ရဲ့လွတ်လပ်ရေးဖခင်ကြီး "ပြည်ထောင်စုပိသုကာ ဗိုလ်ချုပ်အောင်ဆန်း" ရဲ့မွေးနေ့ပဲဖြစ်ပါတယ်။
ရိုးရိုးကုတ်ကုတ်၊ ဟိတ်ဟန်မလုပ်တဲ့၊ တိုင်းပြည်နဲ့လူမျိုးကိုချစ်တဲ့၊ တိုင်းပြည်နဲ့လူမျိုးကချစ်တဲ့ အောင်ဆန်း(ခ) ဇာတာပေးအမည် မောင်ထိန်လင်းကို ခရစ်သက úရာဇ် ၁၉၁၅ခုနှစ်၊ ဖေဖေါ်ဝါရီလ(၁၃)ရက်/ ကောဇာသကúရာဇ် ၁၂၇၆ခုနှစ်၊ တပေါင်းလဆန်း(၁)ရက် စနေနေ့မှာ မကွေးတိုင်း၊ နတ်မောက်ခရိုင်၊ နတ်မောက်မြို့မှာ ဖခင်ရှေ့နေဦးဖာ၊ မိခင်ဒေါ်စုတို့မှ ဖွားမြင်ခဲ့ပါတယ်။ မွေးချင်းများထဲမှ အငယ်ဆုံးသားဖြစ်ပါတယ်။
ငယ်စဉ်ကတည်းက အမှန်ကိုအမှန်အတိုင်းပြောတတ်၊ လုပ်တတ်၊ မထောက်မညှာပြောတတ်၊ ရိုးသားဖြောင့်မတ်တဲ့ စရိုက်ရှိသူဖြစ်ပါတယ်။ တကúသိုလ်ကျောင်းသား
ဘ၀မှာလည်း မဟုတ်မခံစိတ်ဓာတ်ကြောင့် "မီးခဲ"ဲ လို့အမည်တွင်ခဲ့ပါတယ်။ ကျောင်းသားသမဂ¾အဖွဲ့ဥကúဋ္ဌ၊ အိုးဝေမဂ¾ဇင်းအယ်ဒီတာ၊ တို့ဗမာအစည်းအရုံးဝင် သခင်အောင်ဆန်းအဖြစ်နဲ့ ကလောင်စွမ်းနဲ့စည်းရုံး၊ နှိပ်ကွပ်တတ်လို့ အင်္ဂလိပ်အစိုးရနဲ့အမြဲတမ်းထိပ်တိုက်တွေ့ခဲ့သူဖြစ်ပါတယ်။ ဗိုလ်ချုပ်ဟာ အင်္ဂလိပ်ကိုမုန်းတီးသူ ဖြစ်ပါတယ်။ ဒါပေမဲ့အင်္ဂလိပ်စာကို အင်္ဂလန်သားတွေ မျက်လုံးပြူးလောက်အောင်တတ်ကျွမ်းသူဖြစ်ပါတယ်။ သို့ပေမဲ့ ဘိုရူးရူးတဲ့သူတော့မဟုတ်ပါဘူး။ အင်္ဂလိပ်အပြင်အဆင်အဆောင်အယောင်၊ ခမ်းနားမှုကို မနှစ်မြို့တဲ့သူ ဖြစ်ပါတယ်။ ဒါကြောင့် ဗိုလ်ချုပ်နိုင်ငံခြားခရီးသွားတဲ့အခါ၊ နိုင်ငံခြားမိတ်ဆုံစားပွဲတွေ ရှိတဲ့အခါ ဗိုလ်ချုပ်ရဲ့
အပါးတော်မြဲဖြစ်တဲ့ ဗိုလ်ထွန်းလှ(ခ) တက¾úသိုလ်နေ၀င်းက အမြဲဂရုတစိုက် ပြင်ဆင်ပေးရပါတယ်။ အဲဒီအခါကျရင်လည်း ''မင်းတို့ဟာတွေကလည်းကွာ ရှုပ်နေတာပဲ" ဟုပြောလေ့ရှိပါတယ်။ အပြင်ပန်းကြည့်ရင် ခပ်တည်တည်နဲ့ မာကြောခက်ထန်သယောင်ဖြစ်နေပေမဲ့ ဗိုလ်ချုပ်က တစ်ခါတစ်လေကျရင် ကလေးတစ်ယောက်လိုပဲ၊ သူလိုချင်တာလေးတွေ၊ သူဖြစ်ချင်တာလေးတွေကို ကလေးငယ်တစ်ယောက်လို ပြောဆိုတတ်ပါတယ်။ တခါ့ အတွင်းဝန်ရုံးမှာ ဗိုလ်ချုပ်ရုံးခန်းထိုင်နေတုန်း ညနေအလုပ်ပါးချိန်မှာ ဗိုလ်ချုပ်က
"ငါဗိုက်ဆာတယ်ကွာ" လို့ပြောပါတယ်။
ဒါနဲ့ဗိုလ်ထွန်းလှက "ဗိုလ်ချုပ်ဘာစားချင်လို့တုန်း"လို့ မေးတော့ "ကီးမားပလာတာ စားချင်တယ်ကွာ" လို့ဖြေပါတယ်။
ဗိုလ်ထွန်းလှက "ဒါဖြင့်လည်းသွားစားကြမယ်လေ" လို့ပြောတော့ "ငါ့မှာပိုက်ဆံမရှိဘူးကွ"လို့ပြောတယ်။ ဗိုလ်ထွန်းလှက "ကျွန်တော်ကျွေးပါ့မယ်" လို့ ပြောတော့
"မင်းမှာရောပိုက်ဆံရှိလို့လား" တဲ့
ဗိုလ်ထွန်းလှက "ကျွန်တော့်မှာပိုက်ဆံပါပါတယ်" လို့အကျီင်္အိတ်ကပ်ကိုလက်နဲ့ပုတ်ပြီးပြောတော့မှ ဗိုလ်ချုပ်ဝမ်းသာသွားဟန်နဲ့ "ဒါဆိုလည်းသွားစားကြတာပေါ့ကွာ" လို့ပြောပြီး ဆရာတပည့်နှစ်ယောက် ဆူးလေးဘုရားလမ်းက ကီးမားပလာတာဆိုင်ကို ချီတက်ခဲ့ကြပါတယ်။ ဆိုင်ရောက်တော့ ဗိုလ်ထွန်းလှက ဗိုလ်ချုပ်ကို အရင်ထိုင်ခိုင်းထားပြီး ကောင်တာကကုလားကို ဆလံပေးရင်း "ဟေ့လူ ဟိုးမှာထိုင်နေတဲ့သူကို ခင်ဗျားသိတယ်မှတ်လား၊ အဲဒါဝန်ကြီးရုံးကဗိုလ်ချုပ်အောင်ဆန်းပဲ၊ အခုသူဗိုက်ဆာလို့ ကီးမားပလာတာ လားစားတာ၊ သို့ပေမဲ့ အခုကျုပ်မှာက ပိုက်ဆံမပါဘူး၊ မတော်လို့ သူကပိုက်ဆံရှင်းပြီးပြီလားလို့မေးရင် ခင်ဗျားက ရှင်းပြီးပြီလို့ပြောပေးပါ။ ကျုပ်တို့ကျောင်းတက်နေတုန်းက ခင်ဗျားဆိုင်မှာအမြဲစားနေကျပါ။
ကျုပ်မနက်ဖြန်ခါကျရင် လာပေးပါ့မယ်" လို့ပြောတော့ ဆိုင်ရှင်ကုလားက သဘောတူပါတယ်။ ဒါနဲ့ပဲ ဆရာတပည့်နှစ်ယောက် ကီးမားပလာတာစားကြတယ်။ ဗိုလ်ချုပ်လည်း အတော်ဆာနေတာနဲ့ ခပ်မြန်မြန်ပဲ
စားလို့ကုန်သွားတယ်။ အဲဒီအချိန်မှာ ဆိုင်ရှင်ကုလားက အနားရောက်လာပြီး ဗိုလ်ချုပ်ကိုဆလံပေးရင်းနဲ့ "ဗိုလ်ချုပ်စားလို့ကောင်းရဲ့လား" လို့ မေးတော့ "ဗိုက်ဆာနေလို့လားမသိဘူး စားလို့တော်တော်ကောင်းတယ်" "ဟေ့ ပိုက်ဆံရှင်းပြီးလား" လို့မေးတော့ ဆိုင်ရှင်ကုလားကစောစောက အချိန်းအချက်လုပ်ထားတဲ့အတိုင်း "ရှင်းပြီးပါပြီဗိုလ်ချုပ်" လို့ပြန်ဖြေတယ်။ ဗိုလ်ချုပ်လည်းစိတ်အေးသွားဟန်နဲ့ ပြန်မယ် လို့ပြောပြီးဆရာတပည့်နှစ်ယောက် ပြန်လာခဲ့ကြတယ်။ အပြန်မှာ "မစားရတာတော်တော်ကြာလို့လားမသိဘူး ကွာ….တော်တော်စားလို့ကောင်းတယ်ကွာ" လို့ပြောတယ်။ နောက်နေ့ကျတော့ ဗိုလ်ထွန်းလှလည်း ကီးမားဆိုင်ကိုပိုက်ဆံသွားပြန်ပေးတယ်။ သူ့မှာပိုက်ဆံမပါလာပေမဲ့ ကလေးငယ်တစ်ယောက်လို ဗိုက်ဆာတယ်လို့ သနားစဖွယ်ပြောတဲ့ ဗိုလ်ချုပ်ကို နေ့ခင်းစာဝယ်ကျွေးခဲ့ပါတယ်။
ဗိုလ်ချုပ်ဟာ အမြဲတမ်းနိုင်ငံ့အရေးကိုတွေး နိုင်ငံ့အရေးနဲ့လုံးပန်းနေလို့ သူ့မှာလူမှုရေးပိုင်းဆိုင်ရာ အားနည်းချက်ရှိပါတယ်။ ဒါကြောင့်လည်း တချို့က သူ့ကို "အရိုင်း" လို့ပြောကြတယ်။ ဒါပေမဲ့မောက်မာတာမျိုးတော့မဟုတ်ပါဘူး။ သူ့ဝန်ကြီးအဖွဲ့မှာ သူ့ထက်အသက်အများကြီးကြီးတဲ့ ဒီးဒုတ်ဦးဘချိုတို့လိုလူကြီးတွေကို သူလေးလေးစားစား၊ ယဉ်ယဉ်ကျေးကျး ဆက်ဆံတတ်ပါတယ်။ "ဦး၊ ကျွန်တော်" လို့ သုံးနှုန်းပါတယ်။ ကျောင်းသားဘ၀ အဆောင်မှာ တခြားကောလိပ်ကျောင်းသားတွေက ကိုယ့်ကိုယ်ကို ကျော့မော့အောင်ပြင်ဆင်၊ အခန်းကိုလည်း သပ်သပ်ရပ်ရပ်နေကြပေမဲ့ ဗိုလ်ချုပ်ကတော့ခေါင်းစုတ်ဖွား၊ အခန်းကိုကြည့်လိုက်ရင်လည်း စာအုပ်တွေဟိုဟိုဒီဒီ မှာပြန့်ကြဲပြီး ခြင်ထောင်တို့လို့တွဲလောင်း၊ အ၀တ်တွေတို့လို့တွဲလောင်းနဲ့ ရှုပ်ပွနေတတ်ပါတယ်။ တခါတခါ စာဖတ်ရင်းလည်း အကျယ်ကြီးဖတ်တတ်တယ်လို့ သူနဲ့အဆောင်တူတွေက ပြောကြပါတယ်။
ဗိုလ်ချုပ်အကြောင်းတွေပြောရရင်တော့တော်ရုံနဲ့ပြီးမှာမဟုတ်ပါဘူး။ ဗမာ့လွတ်လပ်ရေးဖခင်ကြီးအကြောင်းသိချင်ရင်တော့
ပြည်သူချစ်သောဗိုလ်ချုပ်အောင်ဆန်း
လွတ်လပ်ရေးပိသုကာ ဗိုလ်ချုပ်အောင်ဆန်း(တကúသိုလ်နေ၀င်း)
အမှတ်တရဗိုလ်ချုပ်အောင်ဆန်း(တကúသိုလ်နေ၀င်း)
ဗိုလ်ချုပ်အောင်ဆန်း၏စာပေလက်ရာ(စာရေးဆရာမြဟန်)
အောင်ဆန်း(သို့)အရိုင်း
အောင်သန်း၏အောင်ဆန်း(အောင်သန်း-ဗိုလ်ချုပ်၏အစ်ကို)
ဗိုလ်ချုပ်အောင်ဆန်း၏ လွတ်လပ်ရေးကြိုးပမ်းမှု(တကúသိုလ်နေ၀င်း) စတဲ့စာအုပ်တွေမှာဖတ်ရှုနိုင်ပါတယ်။
''ကျွန်ုပ်၏အဖြစ်ကား သန်းခေါင်လကွယ် တောရပ်လယ်ü ရောက်သောသူပမာ ရှိလေတော့သည်။ သွားရမည့်နေရာကိုမသိ၊ ဆွေမရှိမျိုးမရှိ၊ ကမÇÇာ့အရှေ့ပိုင်းသားသည် အရှေ့ပိုင်းအကြောင်းကို ကောင်းစွာမသိ၊
ဆိုးရွားလေစွ။''
ဗမာ့လွတ်လပ်ရေးအတွက် လှုပ်ရှားနေချိန် တရုတ်ပြည်မှာ နိုင်ငံခြားအကူအညီရှာဖွေရင်း ဗိုလ်ချုပ်
ရေးခဲ့တဲ့စာသားဖြစ်ပါတယ်။ ဒေါက်တာမောင်မောင်ရဲ့ နိုင်ငံတော်လုပ်ကြံမှုစာအုပ်မှာဖော်ပြထားပါတယ်။
ဒီစာလေးကို ပို့လိုက်လို့နိုင်ငံရေးတွေပို့လိုက်တယ်လို့ထင်ရင်မှားပါလိမ့်မယ်။ အဲလိုပြောရင်လည်းလုံးဝမှားပါတယ်။ ဒါနိုင်ငံရေးမဟုတ်ပါဘူး။ ဒို့အရေးလုပ်နေတာလည်းမဟုတ်ပါဘူး။
ကျေးဇူးရှင်တစ်ယောက်အကြောင်းရေးထားတာပါ။
ချစ်သူတွေရဲ့ဖခင်ကြီးလို့ ပြည်တွင်းဝက်ဘ်ဆိုက်တစ်ခုမှာ ချီးမွမ်းခန်းဖွင့်ပြထားတဲ့ St. Valentine ရဲ့မွေးနေ့ကို ဂုဏ်ပြုတဲ့ St. Valentine's Day/ Valentine's Day/ချစ်သူများနေ့ကို သတိရကြ၊ အမှတ်ရကြတယ်ဆိုရင် ဗမာ့လွတ်လပ်ရေးရဲ့ ဖခင်ကြီးဖြစ်တဲ့ ဗိုလ်ချုပ်အောင်ဆန်း ရဲ့မွေးနေ့ကို ပိုလို့တောင် သတိရသင့်တယ်လို့
ထင်ပါတယ်။ အမေရိကန်မှာ မာတင်လူသာကင်းရဲ့မွေးနေ့ကို အများပြည်သူရုံးပိတ်ရက်အဖြစ်
သတ်မှတ်ထားပါတယ်။ ထိုင်ဝမ်မှာ သမ®ချန်ကေရှိတ်မွေးနေ့ကို အများပြည်သူရုံးပိတ်ရက်အဖြစ်သတ်မှတ်ထား
ပါတယ်။ သူတထူးကျေးဇူးတရားကို နားလည်သိတတ်တဲ့ လူမျိုးတွေ နေတယ်လို့ဆိုတဲ့ ကျွန်ုပ်တို့ရဲ့ တိုင်းပြည်မှာ ဖေဖေါ်ဝါရီလ(၁၃)ရက်နေ့ဟာ မှေးမှိန်ပျောက်ကွယ်နေပါတယ်။
တကယ်မဖြစ်ကောင်းတဲ့အကြောင်းတွေပါ။
ခရစ်သကúရာဇ် ၂၀၀၉ခု၊ ဖေဖေါ်ဝါရီလ(၁၃)ရက် / ကောဇာသကúရာဇ် ၁၃၇၀ခုနှစ်၊ တပို့တွဲလပြည့်ကျော် (၄)ရက် သောကြာနေ့မှာ ကျရောက်တဲ့ ဗိုလ်ချုပ်ရဲ့ (၉၄)နှစ်မြောက်မွေးနေ့ အမှတ်တယအနေနဲ့ ဒီစာလေးကိုရေးလိုက်ပါတယ်။
Posted in The Day Between February 12 and February 14 February 13 by mao mao
Ref:syynlmk.blogspot.com
Subscribe to:
Post Comments (Atom)
0 comments:
Post a Comment